Sunday, June 19, 2005

ملقوش فى الورد عيب

كنت اجلس منهمكة فى مشروع من مشاريعى الجرافيكية العبقريه ومعزولة تماما عن كل من حولى فى الأتيليه حين أثار أنتباهى حوار يدور بين صديقاتى الجميلات عن هيفاء وهبى وأستنكرهم الشديد لأعجاب الشبابا بها _هذه الأستنكار الذى لا أجد له أى مبرر..رحم الله امرؤا عرف قدر نفسه _ ما علينا..المهم أنى تركت المشروع وأقتربت منهم لأعرف سبب هذه الأستنكار الفظيع
بس البت حلوه برده محدش يقدر ينكر_
بس بس بس أصلك متعرفيش حاجه دى طلعت بست صوابع فى رجليها_
بالطبع شهقت صديقاتى الجميلات من فرط الدهشه ونظرت اليهم ببلاهه غير مستوعبة ما العلاقه بين أصابع قدمها وأعجاب الشباب والمراهقين وكبار السن بالأخت هيفاء ثم شهقت معهم حتى أجاريهم _يمكن أفهم حاجه_ونظرت أليهم أتابع الحوار بشغف
لا لا متقوليش بست صوابع ...يا لهوى وعرفتى منين _
ابدا كانت مبعوتالى صور على النت ليها وفى صورة منهم واقفة على البحر وحافية دققت فى رجليها لقيتها بست صوابع_
لا بتهرجى طب ليها نفس تتصور حافية وهى عارفة أنها بست صوابع_
مش أنتوا جاينلى بكره نشتغل مع بعض فكرونى أوريكم الصوره_
بالطبع ذهبت الى منزلى وقد نسيت تماما المصيبة الكبرى التى أكتشفها صديقاتى الجميلات والتى تخل وتنقص من جمال الأخت هيفاء
فى اليوم التالى ذهبت مع صديقاتى أياهم الى منزل صديقتى مكتشفة الخبر الفظيع وما أن دلفنا الى غرفتها وجلسنا سويا لنكمل مشاريع الكلية حتى هبت احدى صديقاتى كأنها تذكرت أمرا هاما لا يمكن تأجيله
ورينا بقى صورة هيفاء عشان نتأكد _
طبعا كل البنات اتكوموا على الكمبيوتر حتى يروا الفضيحه على حد قول أحداهن
ايه ده صحيح دى بست صوابع يا ساتر يا رب_
نفسى أعرف الولاد بيحبوها على أيه دى ولا صوت عدل ولا أغانى عدلة وكمان بست صوابع_
مهو محدش يعرف أنها بست صوابع لو عرفوا مكنش حد بصيلها اصلا._
ميين عارف ممكن يبقى فيها أيه تانى _
على رأيك والناس كلها عارفة أنها عملة عمليات تجميل يعنى مكنتش قادرة تشيل الصبع ده_
جلست فى صمت أراقب صديقاتى الجميلات وأنا أبتسم فى قرارة نفسى من هذا الحوار الفظيع عايزه أقولهم يا جماعه هيفاء لو بستة وعشرين صوباااع فى الرجل الواحدة محدش حياخد باله برده ... ولا حد بيسمع اغنيها أصلا ولا فاهم هى بتقول أيه ... الناس بتتفرج بس الموضوع مش صوت ولا كلمات أغانى الموضوع أداء وطريقة القاء .. طبعا مش أى طريقة القاء طريقة هيفاء وبس ومخارج الألفاظ عندها ليها تأثير برده محدش يقدر ينكره ... دى الحاجات البسيييطه اللى بتميز الأخت هيفاء طبعا مش حتكلم عن المظهر الخارجى والشكل واللبس و .. ما علينا
وبعدين ما كل بنات مصر بما فيهم أنا وصحباتى بخمس صوابع محدش بصيلنا يعنى
ثم أن الناس لو عرفت أنها بست صوابع مش بعيد كل راجل يقول لمراته تزرع صوباع يمكن ..لعل وعسى تبقى شبه الأخت وأهى أى حاجه من ريحة الحبايب.. يعنى متحولوووووشوبلاش حقد حيفضلوا يحبوها برده سواء بست صوابع من غير صوابع اصلا حتى لو بخرم تالت فى مناخيرها برده على قلبهم زى العسل
سألته اغنية هيفاء بتاعت انا هيفا انا مش فاهمه فيها ولا كلمة ..أنت فاهم حاجه_
قالى ماليش دعوة بالأغنية والكلام الفاضى ده... أنا بشوفها بفصل_
وتقولولى بست صوابع ..هأوووو

8 Comments:

Blogger Guevara said...

قولي لصحابك : بطلوا حقد بقى.. ما لقوش غير هيفا يطلعوا عليها كلام؟ هو فيه زي هيفا؟

10:21 AM  
Blogger littilemo said...

هما غيرانين منها ليه
دا غير ان الصوره واضح انها متركبه

بس على فكره اسلوبك لذيذ
بس دى عادات البنات (الكل منافس قوى)

1:05 PM  
Blogger Nefsy said...

beny we benak el sora mknetsh mtrkeba bas 3ady ya3ny da soba3 mesh regl tanya wala zaloma
any way thnx aweeee 3ala yr comment

2:24 AM  
Blogger Ahmad El-Saeed said...

hahaha ... bass a2olek 3ala serr .. ana maba7ebesh la haifaa2 wahby wala nancy 3agram wala rouby walla elissa !!! azwa2 ba2a !!

2:55 AM  
Blogger Lasto-adri *Blue* said...

لوووووول أل ست صوابع آل..
لكن بينى وبينك، أنا لحد دلوقتى مش قادرة استوعب سر جمالها..
أصلا مش بقدر أبصلها.. عينى بتتعب بسرعة..
عموما، كل واحد وذوقه بقى..

2:58 AM  
Blogger Ahmad El-Saeed said...

aho ... la2et 7ad fe saffy aho !!

3:31 PM  
Blogger Nefsy said...

3ayeza a2olak 7aga bas ... a7'erraaaaaaaan la2et 7ad mby7besh el o7't hefa wala el anesa roby eshta 3alkom ;)

1:07 AM  
Blogger unknown said...

لوووووووووووووول

6:12 PM  

Post a Comment

<< Home