Sunday, July 17, 2005

..........

شعور غريب ومخيف أنك تبقى مش حاسس بأى حاجه ..لا حاجه قادره تفرحك .. ولا حاجه ممكن تزعلك .. لا أنت فرحان لحد ولازعلان على حد
لا عارف تحب ولا قادر تكره .. حاسه أنى مش عايشه .. ما فيش أى حساس بأى حاجه .. بعد ما كنت أشوف ضحكة طفل ابكى أحس ان الدنيا كلها بتضحك .. وأشوف دمعته أبكى معاه ..بقيت مش حاسه بأى أحساس .. لا حاسه أنى عملت حاجة غلط .. ولا واثقة أنى ماشيه صح .. النيا متشقلبه عندى ... قوق تحت و تحت فوق ..لا ضحكه بضحكها من قلبى .. ولا دمعه قادرة تنزل من عينى .. أول مره أحس أن عندى قلب .. مش عشان بيدق بس عشان بقى زى الحجر فى صدرى . حاسه بيه أوى .. مقبوض على طول .. مش قادرة اتنفس منه .. حاسه أنى بتخنق . . بغرق ..
كل اللى قادره أعمله كل كام يوم أبكى على حاجات راحت منى انا مش عرفاها .. وأسأل نفسى ليه قلبى جمد كده .. ازاى بقى قاسى كده .. مين موته بعد ما كان صاحى وبيدق .. كان مالى الدنيا حب وفرح وبكى .. كان يفرح ويزعل ويغير ويحب ويدق ويضحك .. بس مات .. قسى ... جمد .. تاه منى .. بس عايزاه يرجع .. محتاجاه أوى .. أحس زى الأول .... أفرح ... أبكى....... احب ..

13 Comments:

Blogger littilemo said...

استنى شويه وهايجى اللى يدوبهولك

3:27 PM  
Blogger أنا said...

صح..صح جدا
في حاجه غلط..
شعور غريب بالأمبالاه
جايز يكون ده من كثر الصدمات اللي قابلنها ..وده بيخلينا نبص علي الدنيا والناس فنشوفهم عريانين..وبالتالي بنفقد القدره علي التعاطف
مع الوقت بنفقد ادميتنا بس افتكر ان العيب مش فينا
أتمني ان تكون تدوينتك القادمه اكثر مرحا كما اعتدت

5:15 PM  
Blogger S H E B A K said...

ياااااااااه
ايه ده كله ؟
حرام عليكى ياشيخة قلبتى عليا المواجع و فكرتينى باللى بهرب منه
انا كمان فقد الأحساس بحاجات كتير

5:38 AM  
Blogger AZ said...

لا لا لا اوعى تنساقى ورى الشعور ده يابنتى ....... بصى انا كنت زيك... شبهك اوى وفيوم برده جالى نفس الاحساس ده دون اسباب مفهومه بالنسبالى وانجرفت فى حاله من العزله والتبلد دامت لحوالى 3 سنوات مابتديتش اخرج منها غير من كام شهر فاتوا.......... اوىع يابنتى تعملى زييى والحقى نفسك من دلوقتى.....ز شوفى ناس..ز ناس كتير..... ناس بتحبيهم ومتحاوليش تعملى مقاره بين احساسك دلوقتى واحساسك قبل كده...زز نفضى تماما...زز ارمى نفسى فى حضن الناس

10:01 AM  
Blogger Eve said...

طبيعيّ أن نمرّ بهذه المرحلة بين الفينة والأخرى. أنا كذلك فعلت. إنه الروتين القاتل. يذكّرني الأمر ببوست كتبته ذات مرّة:
http://www.blogger.com/comment.g?blogID=8377571&postID=110979995257267450

11:11 AM  
Blogger Zeryab said...

حاسبىىىىىىىىىىىىىىى
ده أول علامةخطر الإحساس ده أخطر انه فاتن وممكن نستسلمله بس صدقينى ده الموت مش الحياة وصدقينى اكتر الدنيا حلوة مع آلو

5:23 PM  
Blogger sydalany-وش مكرمش said...

للأسف الإحساس ده منتشر و أنا شخصيا بهرب منه لأي حاجة مهما كانت تافهة
وعلى رأي اللمبي
"حاسس إن أنا عاوز أعيط"

12:21 AM  
Blogger Hadeel said...

ربما أصل متأخرة.. لكن هذا ما أشعر به فعلا..
وصلت لمرحلة أحسستُ أني قد حققتُ كل ما أريده: حب، شهرة ترضيني، انتصارات شخصية، وكل ما كان يحقق لي رضى..
الآن بدأتُ أخسر هذه الأشياء تباعا، لم أعد أبكي على شيء والله. لكني صرت أشعر بأني لا أشعر، لا أحس، لا أعبأ بشيء مطلقاً.. لا تلفزيون.. لا اتصالات.. لا أصدقاء.. و لم أعد أحلم مطلقا..
أختي التي حاولت أن تفعل كل شيء من أجل أن أعود من هذه العزلة الحسية، همست لصديقتي قائلة:
لم يجد أي شيء عملته من أجلها.. أنا أعذرها.. لقد شبعت من هذه الدنيا تماما !!

8:29 AM  
Blogger زعرورة said...

غيّرى


كل حاجة ..حياتك وشكلك والناس اللى بتتعاملى معاهم كل يوم..اتصالاتك و حتى االمكان اللى انتى فيه

وفى مرحلة التغيير ماتفكرييش

عيشى متنكرة شوية علشان لما ترجعى تانى تبقى افضل من كده

الاهم من كل ده:

اشتكى لربنا و هو قادر يخرجك من الحاله دى

1:00 AM  
Blogger lost said...

كلامك دة كله جوايا
بجد نفس الي انا حاسة به
انا كنت فاكرة انا بس الي كدة
بس اكتشفت ان في ناس غيري كتير كدة
انتي عبرتي عن كل اللي جوايا
انا بحاول اغير من نفسي و من حياتي بس لسه منجحتش
انتي كمان حاولي
بس اهم حاجة
الثقة في الله

6:08 AM  
Blogger Michael said...

ساعات لما الأنسان بيفقد احساسه بكل حاجه ولما بيكون كل شىء مالوش معنى وكان الواحد مات وهو عايش ساعات بيكون الحل انك ترفعى عينيك لفوق للسماء يمكن تلاقى المعنى الحقيقى للحياه فى ربنا ببساطه وتقابلى الشخص الوحيد اللى ينفع يدى الحياه معنى ويقوم القلب الميت من وسط الموت
ارفعى عينيكى للسما قبل ما الباقى عندك يموت
ربنا معاكى ويفرح قلبك بيه

7:08 PM  
Blogger محمد بك سالم said...

بجد انا مش عارف انا وصلت للصفحة دى ازاى بس كل اللى اقدر اقولهولك ان انا كنت فى اقوى حالة من حالات الاكتئاب لحد امبارح والله ما كنت عارف اى حاجة فى اى حاجة حتى ماكنتش عارف اعمل زى اللمبى ان انا عايز اعيط حتى دى مش عارف اعملها بس وانا قاعد على السرير الفجر اذن شى الهى قومنى وخلانى اقوم اتوضأ واصلى انا عارف ان كتير هيضحك على الكلام ده بس انا بجد عمرى ما فكرت ان اصلى ولا أتقرب من ربنا بس كلمة اقولها ليكم اقولها لاخواتى اقولها لكل شاب فى الدنيا انا بعد ما صليت حسيت بارتياح رهيب عمرى ما حسيت بيه حسيت انى عايز اضحك عايز اشتغل عايز احب من تانى ومايهمنيش انى اكون حلو او وحش المهم اكون انا انا مين الاقى الشخص اللى مكنتش لاقيه ميت واحد هيقول كل ده من ركعتين والله من اول ماقلت الله اكبر فى اول الصلاة

10:04 AM  
Blogger arab girlscool said...

This is such a nice addition thanks!!!
عرب كول
شات صوتي
شات مغربي
إنحراف كام
شات عرب كول
صوتي
دردشه صوتيه
سعودي كول

12:32 AM  

Post a Comment

<< Home